TSRTC: ఆర్టీసీ కార్మిక సంఘాలతో చర్చలకు కేసీఆర్ గ్రీన్ సిగ్నల్

0
62

21 రోజులుగా ఆర్టీసీ కార్మికులు సమ్మె నిర్వహిస్తున్నారు. ఎట్టకేలకు వీరి ఆందోళన ఒక కొలిక్కి వచ్చే అవకాశం కనిపిస్తోంది. ఆర్టీసీ కార్మిక సంఘాలతో చర్చలకు సీఎం కేసీఆర్‌ గ్రీన్‌ సిగ్నల్‌ ఇవ్వడంతో సామాన్య ప్రజానీకానికి రవాణా కష్టాలకు మరికొన్ని గంటల్లో తెరపడనుంది. ఈ మేరకు ఇన్‌చార్జి ఎండీ, ఈడీలకు ఆదేశాలు అందాయి. నేడు బస్‌ భవన్‌లో భేటీ కానున్నారు.

అయితే ప్రభుత్వం విలీనం మినహా హైకోర్టు సూచించిన 21 డిమాండ్లపై చర్చించేందుకు సిద్ధంగా ఉంది. ఈ నేపథ్యంలో ఈడీల కమిటీ ఇచ్చిన నివేదికను కేసీఆర్ సుదీర్ఘంగా సమీక్షించారు. అయితే విలీనం మినహా ఇతర డిమాండ్లపై చర్చించేందుకు ఆర్టీసీ కార్మికులు సుముఖత వ్యక్తం చేస్తారో లేదో వేచి చూడాలి. అయితే ఈ విషయంలో ఆర్టీసీ కార్మికులు మాత్రం దిగిరాక తప్పదని తెలుస్తోంది. మరీ మొండికేస్తే అసలుకే ఎసరొచ్చే పరిస్థితులు ఉండటంతో ఆర్టీసీ కార్మికులు దిగిరాక తప్పదని విశ్లేషకులు చెబుతున్నారు. ఇప్పటికే ఆర్టీసీ జేఏసీ నేతల తీరుపై కార్మికుల్లో ఆందోళన వ్యక్తమవుతోంది. ఈ నేపథ్యంలో నేటితో ఆర్టీసీ కార్మికుల సమ్మెకు నేటితో తెరపడే సూచనలు కనిపిస్తున్నాయి.

LEAVE A REPLY

Please enter your comment!
Please enter your name here